上一回圓圓話會將佢以前親手製做既熊bearbear公諸同好,實行攞出來晒一晒咁話! 嘩,好開心,好少聽見有人肯用心去學整毛公仔,重要好好保存到而家? 以前細個成日都唸住學整熊bearbear,見過芳間幾百蚊既course,三堂就可以學曉,上完堂重可以帶佢地返屋企, 講下一年又一年,始終都重未去上,點解?唉,家姐囉, 撥我冷水,話我三分鐘熱度,交幾百蚊,整餐死,隻隻醜醜樣樣咁, 一次重要帶三四隻返屋企,同我訓覺咩?轉頭咪又擺咪一二邊,不如實際的,俾錢買隻靚的既,就算俾左錢都覺得物有所值呀!我既bearbear夢就咁就俾家姐踩碎,碎左!@@ 我唸佢永遠都唔會明白, 親手用一針一線整隻熊bearbear既滿足感有多大,可能我整出來係有點肉酸,但我真係好俾心機去整架…等左圓圓好耐,頸都長埋,今日見到啦,終於見到啦,個兩隻野傻傻地,呆呆地,好可愛呀!唔知道係咪燈光效果呢?我覺得好warm呀, 好想走去好好抱一抱, 搣搣佢地既面珠!
最後bearbear熊當然學唔成啦,但家姐唔知道我其實私底下走左去學整洋娃娃,重要一次帶左五隻返返屋企,隨口同佢話隔離街大平賣云云!個次連佢都話好可愛,睇來我呢位係ArtClub呆左五年既都唔係浪得虛名噢! 話說回頭, 個五個洋娃娃而家去左邊樹?失禮晒,搬屋時搬晒俾人囉,哎~~~~
5 comments:
我覺得你(地)好屝利呀！我係任何「手作仔」都做唔到0既人，以前上家政0固d織冷衫呀、車衫呀，都係搵阿媽幫手，上Art整親畫親咩都係掹車邊合格jar~ -.-!
唉吔, 好想看妳的洋娃娃呀, 但妳已然比哂人!
妳知嗎, 一針一線做的bearbear同街買的真的是冇得比呀, 雖然街買d又買又靚, 自己做買材料, 都唔平, 仲要捱更抵夜做, 但是做的過程好好玩, 同理自己做的bearbear好像給予生命給他們一樣, 妳就是造物主, 感覺真的很好...
快d去學啦!
快d去學啦? 哈哈哈, 你知無? 我重唸住等你動手整個俾我tim,你知無,你既手藝超群,而家好多人要, 而家我排頭位架,無理由走左去咁蝕底架.點都等埋先啦,我等等等等.......
風子,妳被點中了! 呵呵~~ ^.~
喂!公仔個樣好烚喎..哈哈~~
我又要一隻呀,得唔得呀? (hee... 我兩邊都要,咁就有兩隻啦..呵呵! 不過,唔同架..係黎自唔同既手同心意造成架嘛..)^.~
Post a Comment